Í þætti 90 fengum við Tabú konur til okkar þær Jönu Birtu Björnsdóttur verkefnastýru Tabú
og Þorberu Fjölnisdóttur sem hefur verið virk í starf Tabú lengi og er núna í stjórn NPA miðstöðvarinnar. Öflugar konur sem hafa unnið ötullegt starf í þágu fatlaðs fólks.
Við fengum að skyggnast í starfið hjá Tabú,
sögu samtakanna og einnig áttum við virkilega góðar
samræður um samfélagsleg málefni sem snýr að aðgengi,
hvað er feminismi, stöðu fatlaðra og fleira.
Tabú safnar áheitum í Reykjavíkur maraþoninu sem er 22. Ágúst 2026...
Tabú þarf á stuðningi okkar að halda svo þær geti haldið áfram að veita fötluðum og langveikum konum stuðning og styrk, geti haldið úti mikilvægri fræðslu og unnið áfram að berjast fyrir jafnrétti. Það skiptir samfélagið virkilega miklu máli að hafa samtök eða konur eins og eru í Tabú sem vinna í þágu fólksins.
https://www.rmi.is/hlaupastyrkur/godgerdamal/834-tabu-feminisk-fotlunarhreyfing
Tabú er femínisk fötlunar hreyfing sem er með skrifstofu í Mannréttindahúsi. Tabú vinnur að félagslegu réttlæti og gegn margþættri mismunun gagnvart fötluðu fólki. Þau bjóða upp á fræðslu bæði í formi fyrirlestra eða námskeiða , faglega ráðgjöf og jafningastuðning.
Þau hjá Tabú hafa verið virkar að vekja athygli á og að skapa þarfar umræður í samfélaginu, við mælum með að að kíkja á heimasíðu samtakanna en þar er að finna allt um starfið og einnig pistla.
tabu.is
Þið finnið Tabú á helstu samfélagsmiðlum og við mælum við með að fylgja þeim og skyggnast í starfið og lífið hjá þeim.
Fötlun er bæði sýnileg og ósýnileg og skilgreinist fyrst og fremst út frá upplifun og sjálfsmynd hverrar manneskju. Enginn er of lítið eða of mikið fatlaður til að geta tekið þátt í starfi Tabú.
