72 — Jónas og hinir

Gunnlaugur og Ármann bregða af vananum með því að ræða þátt íslenskar bókmennta sem hvorugur hefur rannsakað, strákagengi og önnur burðarvirki menningarinnar á borð við „salon“ 19. aldar. Talið berst að Fjölnismönnum (íslensku bítlunum), Unuhúsi, skáldunum í Hveragerði 0g fleiri listamannahópum. Eins ræða þeir kvikmyndina The Odyssey, Kompuna í Þjóðviljanum, merkar heildarútgáfur og hina ævisögulega rannsóknaraðferð. Fram kemur að Jónas Hallgrímsson gat verið kvikindi, Gunnlaugur hlustar ekki á hlaðvörp, Ármann telur sig óhultan fyrir gervigreindinni, Fleetwood og Mac sömdu engin helstu lög Fleetwood Mac og allir sem hafa lifað áður voru Kleópatra í fyrra lífi. En hve lengi getur Ísland hrapað niður Pisa-listann? Hvernig leit Brynjólfur Pétursson út? Hvers vegna er klógulur fegursta orð íslenskrar tungu? Og hvaða fótboltamaður hefur gert eitthvað merkilegt eftir 33 ára aldur?