Kva handlar eigentleg pinsen om? Var Den heilage ande borte før pinsedag – eller skjer det noko heilt nytt når Anden kjem over disiplane i Apostelgjerningane 2?
I denne talen frå pinse i ImF Stord tek Tor Espen Kristensen oss med inn i dei store linjene i Bibelen – frå skapinga og Edens hage, via tabernakelet og tempelet, til Jesus og pinsedagen. Han viser korleis pinsen ikkje berre handlar om vind, eld og overnaturlege teikn, men om at Gud kjem nær med sitt heilage nærvær.
Gjennom talen får vi sjå korleis Jesus oppfyller det tempelet peika fram mot, og korleis Guds folk no er eit tempel for Den heilage ande. Pinsen handlar difor både om fellesskap med Gud, kraft frå Anden og starten på den store misjonsrørsla ut til heile verda.
Dette er ei tale om Guds nærvær, kvile, misjon og evangeliet om Jesus – og ei påminning om at den som trur på Jesus, er Guds barn og har fått Den heilage ande.
Podden och tillhörande omslagsbild på den här sidan tillhör
Kjetil Fyllingen. Innehållet i podden är skapat av Kjetil Fyllingen och inte av,
eller tillsammans med, Poddtoppen.
