အီစထြ့လယါပှၤမၤတၢ်ဖိ လၢအန့ၢ်တၢ်မၤအဘူးအလဲအစှၤကတၢၢ်သ့ၣ်တဖၣ် ကန့ၢ်ဘၣ်အါထီၣ်တၢ်မၤအဘူးအလဲ

စးထီၣ်ဖဲလါယူၤလံအတီၢ်ပူၤန့ၣ် အီစထြ့လယါ ပှၤမၤတၢ်ဖိ လၢအကကွဲၢ်အါမး ကန့ၢ်အါထီၣ်ဘၣ်ဝဲ တၢ်ဖံးတၢ်မၤအဘူးအလဲ ၄.၇၅ မျးကယၤန့ၣ်လီၤ. တၢ်ဂ့ၢ်အံၤကဲထီၣ်အသး ဖဲလၢပှၤမၤတၢ်ဖိဂ့ၢ်ဝီခီးမ့ရှၢၢ် (Fair Work Commission) ထုးဖျါထီၣ်ဝဲဒၣ် တနံၣ်တဘျီ အတၢ်သမံသမိးထံက့ၤ တၢ်ဖံးတၢ်မၤအဘူးအလဲဝံၤအလီၢ်ခံန့ၣ်လီၤ. ပှၤမၤတၢ်ဖိကရူၢ်သ့ၣ်တဖၣ် တူၢ်လိာ်မုာ်ဝဲဒၣ် နီၣ်ဂံၢ်နီၣ်ဒွးအံၤဒီးစံးဝဲဒၣ် တၢ်ဟ့ၣ်အါထီၣ်တၢ်ဖံးတၢ်မၤအဘူးအလဲအဃိ ပှၤမၤတၢ်ဖိသ့ၣ်တဖၣ် ကန့ၢ်က့ၤဆၢထၢၣ်ဘၣ်ကဒါက့ၤဝဲလၢအနီၣ်ကစၢ်အခီၣ်လိၤန့ၣ်လီၤ. မ့မ့ၢ်လၢအဂၤတပၤတခီ, ပနံာ်တၢ်ဖံးတၢ်မၤကရူၢ်သ့ၣ်တဖၣ်စံးလၢ တၢ်မၤအဝဲအံၤန့ၣ် ကမၤနးဒိၣ်ထီၣ်ဝဲ စ့သိၣ်သွံ စ့အလုၢ်အပှ့ၤကလီၤဒိၣ်ထီၣ်ဒီး ပာ်အါထီၣ် တၢ်ဆီၣ်သနံးဖဲပနံာ်တၢ်ဖံးတၢ်မၤသ့ၣ်တဖၣ်အလိၤန့ၣ်လီၤ.